Oliver's Super Sandwiches (德福廣場2期)

營業中

休息中

出糧日，又可以食餐好的，但又唔知想食什麼，後來同事提議不如去這間食午飯，因為很久沒有去了，我看餐牌，見這個餐都幾好，有蝦又有青口，感覺豐富，就要它吧，再將個湯加錢轉酥皮，再轉凍飲，好彩我公司在這個商場食飯有優惠，可以有九折！酥皮磨菇湯，酥皮外表焗得都好鬆香，係嫌佢樣子好像好扁似的，但入口鬆化，裡面的磨菇湯好熱，好濃磨菇味，好好飲！海鮮扁意粉配龍蝦汁，有數隻中蝦，加一些青口和蜆肉，蝦都爽口，青口肉好大粒，蜆肉都很新鮮，龍蝦汁配扁意粉，味道都很好味，很有龍蝦香味，雖然本人唔是那麼喜歡扁意粉，但一次半次都可以接受的。凍檸茶都算幾大杯，茶味濃淡得宜，唔錯！這裡的質素算唔錯，唯獨是原來餐飲轉凍飲要加咁多錢，個收銀都沒有講，我覺得收銀員提一提顧客會好一點。