圓圓 (已結業)

圓圓係一間低調高手嘅台式飲料店，就算星期六星期日都唔會好多人排隊，可能地點真係有啲唔方便，不過其實深水埗都幾多野食丫。呢間啲珍珠真係冇得輸，佢有兩種珍珠，一種係黑糖，另一種係黃金珍珠，黑糖珍珠係限量供應，每日都新鮮整，食落真係好Q彈，好有𡁻口又好夠味。冇得彈！而個茶底仲正！我飲過圓圓奶茶同圓圓炭焙烏龍奶茶！兩杯都好好飲！好香好正！特別係烏龍個杯！真係超香！完全冇得輸！必試！如果飲熱飲，啲珍珠就會淋身少少，但到佢凍返啲嘅時候，啲珍珠就會再q彈返！好正！