NUTTEA (鴻力工業中心)

營業中

休息中

今日得閒，突然好想飲奶蓋茶，但又覺得唔太健康，跟住上網查左一查，見到有nuttea，加上佢係用堅果奶感覺上比普通嘅奶健康好多，所以就專登過去諗住試一試。我就嗌咗一杯粉紅莓果堅果奶蓋同埋伯爵朱古力奶蓋茶。伯爵朱古力奶蓋茶茶底冇咁甜，但佢嘅奶蓋偏甜，同埋有朱古力味，所以配搭起就覺得好好飲，而且又唔會覺得過甜。粉紅莓果堅果奶蓋嘅底係草莓沙冰，而佢嘅奶蓋就係士多啤梨味嘅，雖然話沙冰有啲甜，但係佢嘅奶蓋又唔係真係好甜，所以配搭係啱啱好。整體來講，會係想再飲一次！