月瀧天 (已結業)

又過年了~ 梗係要同屋企人食番個團年飯~ 媽咪大力推薦呢間，咁就就佢嚟呢度試吓啦~由於有訂檯，所以唔洗等位，不過坐咗喺 "風涼水冷" 嘅露台位置....... 嘢食有好多種類，刺身、壽司、串燒、甜品、中式小炒、泰式、越式等，樣樣都有啲。反而我覺得最好食係中式小炒喎....... 好似蒜片牛柳粒、京蔥牛肉等都算肥美惹味~ 糖醋魚、黑醋骨、炒烏冬等亦好夠鑊氣，味道唔錯。其他都係一般，尤其是個蝦多士超級多油，食一啖都滯了~ 建議唔好食呢個，因為任飲任食架嘛~ 無謂浪費 quota 啦~ 至於果度嘅甜品......唔好預我..........