稻香 (德福廣場2期)

營業中

休息中

近排工作超忙,今晚有得收早,所以要享受一下。稻香裝修後成日話打邊爐都無食過,就今晚食左佢。有任食同自選兩款揀,任食唔洗煩,268一位,包海鮮併盤,刺身併盤。先前覺得268都貴,但當佢兩個併盤上檯又覺得好抵喎。海鮮併盤有一人半隻龍蝦,一隻象拔蚌,貴妃蚌,帶子同兩隻蝦。除左帶子之外其他海鮮都好新鮮,隻龍蝦勁好肉。唔知係咪人多會有鮑魚,因為食到尾聲見隔離檯一行八九個人個海鮮併盤有鮑魚但我地無刺身一樣好新鮮,好味。其他配料咩都叫d,上到檯嘩左一聲,因為每樣都好大份,未試過任食火鍋d配料一來會咁大份,通常細細份要你入幾次單先夠食。任食係已包醬料,任飲,糖水同雪糕。268食到超飽,仲有咁多海鮮真係唔知仲可以講咩。可以講下服務員態度真係又一贊,當我拆完龍蝦攞濕紙巾,個姐姐好到幫我開埋,遞埋比我。當晚真係食到超飽,兩個鐘任食。