小點角落 (朗豪坊)

營業中

休息中

想上Muji，所以選擇在朗豪坊食晚飯。Footcourt裏面繼續成朕PepperLunch味，決定揀外圍店舖，最終被呢間勁大粒魚肉燒賣吸引了。叫咗個Set，蝦油蝦球撈麵，可以追加小食，加杯茶包沖茶，68蚊，合理價錢。菜圃蝦油撈麵，賣點蝦頭油，蝦味一般，蝦肉尚算爽脆。麵似意粉多啲，有彈力嘅。根餐小食叫咗碗碗仔翅苣蒻麵，味道ok，質地偏稠，料多，苣蒻形狀質感都似涼皮多過似麵。再追加小食墨西哥蕃茄魚皮。老實講，魚皮就一般，但配芝士同墨西哥式莎莎醬咁嘅嘢，又幾得意，似食Taco但又冇咁乾，值得再試。單點埋最好奇嘅燒賣，真係好大粒，大粒過一般乾蒸燒賣。魚肉有點點像鯊魚燒賣那種，但又實啲，整體還可以。但呢種份量，其實都不算「小食」了，根本大份過正餐，一個人一碟嘅話飽到第二朝。見有人叫咗跟餐小食咩菜圃燒賣，得兩粒，即刻覺得30蚊6粒單嗌抵好多。見隔離枱叫咗封門柳，賣相相當唔錯，下次會try try。