影片
更多
2024-11-15
112 瀏覽
以前買過venchi的散裝朱古力，食完印象唔深刻，可能當時年輕，食唔出分別。今次係第1次食佢的gelato，網頁提及原材料係精挑細選自唔同國家及產地，好似好講究同厲害。呢度的gelato雖然唔平，但亦唔貴，因為佢份量足，再者一直以嚟，gelato喺香港都唔係平民甜品，所以，以呢個角度考慮，價錢都可以接受。Mini size gelato ($63)：可選杯裝或脆筒。我揀杯裝，怕脆筒唔脆（因gelato溶得快），同埋食的時候會方便啲。開心果gelato有果仁香，開心果味唔係入口瞬間爆發，佢奶味重，慢慢食落先有開心果味。榛子gelato都差唔多，但會快少少食得出榛子味。Gelato溶得幾快，喺店裡坐咗3、5分鐘經已食完。享受gelato的唯一缺點係冇得慢慢歎~~購買前可先試味。我試咗開心果、榛子同黑朱古力味。整體嚟講，venchi的gelato幾甜，所以，雖然只係食咗一個mini size都覺得飽。黑朱古力味唔錯，但冇果仁味咁hit 同有特色。另外，新出品有抹茶味。其他口味較大路，店裡亦冇我最想食的咖啡味（唔知venchi有冇出呢？）。店員服務態度幾好，店面有座位可以俾顧客坐低食。如果食得
今次係第1次食佢的gelato，網頁提及原材料係精挑細選自唔同國家及產地，好似好講究同厲害。呢度的gelato雖然唔平，但亦唔貴，因為佢份量足，再者一直以嚟，gelato喺香港都唔係平民甜品，所以，以呢個角度考慮，價錢都可以接受。
Mini size gelato ($63)：可選杯裝或脆筒。我揀杯裝，怕脆筒唔脆（因gelato溶得快），同埋食的時候會方便啲。開心果gelato有果仁香，開心果味唔係入口瞬間爆發，佢奶味重，慢慢食落先有開心果味。榛子gelato都差唔多，但會快少少食得出榛子味。Gelato溶得幾快，喺店裡坐咗3、5分鐘經已食完。享受gelato的唯一缺點係冇得慢慢歎~~
購買前可先試味。我試咗開心果、榛子同黑朱古力味。整體嚟講，venchi的gelato幾甜，所以，雖然只係食咗一個mini size都覺得飽。黑朱古力味唔錯，但冇果仁味咁hit 同有特色。另外，新出品有抹茶味。其他口味較大路，店裡亦冇我最想食的咖啡味（唔知venchi有冇出呢？）。店員服務態度幾好，店面有座位可以俾顧客坐低食。如果食得落的話，family size好抵，$83可以揀4款味道，一次過食勻店裡1/3的gelato口味。由於我係第1次食，所以唔確定份量係多少，但杯裝都係裝滿曬，而gelato上面仲有塊黑朱古力小圓片。不過，gelato凍而會影響咗朱古力片的質感，入口難融化，味如嚼臘，嘥咗。
張貼
