叁不館

營業中

休息中

呢排真係好凍，約朋友食飯都仲係好想打邊爐。 朋友介紹話天后有間好正叁不館。 開頭唔係好知佢講咩，跟住先get到。 佢仲話呢間比得上九龍城，所以大家就一齊黎試下。 一黎到就比佢個舖面吸引，真係好有香港特色，仲要用竹簍裝野，好得意。 見佢地既野食又幾大眾化，唔會好貴。 大家都見咁凍就叫左個花膠雞湯底，黎到湯同料分開。 店員叫我地可以先飲湯暖身再擺花膠同雞落去煮。 個湯真係好好味，一啲都唔咸唔味精。 而佢啲雞同花膠都好鬼足料，好大舊，又夠嫩滑。佢啲牛尤其新鮮，唔會好肥或多筋，同九龍城真係有得比。 而且佢既海鮮都好新鮮。 聖子，扇貝都好大件，又冇沙。魚肉豆卜既魚肉好香，係新鮮打既口感。 仲有蝦釀油炸鬼好大條好少見到咁，仲要有成8舊。 每碟既份量都比想像中多。 呢度真係唔只氣氛好，野食都超足料，果然係冇介紹錯。