八沢 (霎東街) (已結業)

好似最出名就係呢個黑松露忌廉海鮮烏冬，見門口啲poster好似話咩第一名攞獎甘，入到去啲menu好舊，好似用左好多年甘。有一堆黑松露醬係頂，聞到都覺得正，不過個木碗又係好舊，啲邊個感覺好似入左好多菌甘。湯係奶白色，唔會好稀。海鮮其實即係得三文魚同帶子，不過都幾多餸。啲海鮮無咩鮮味，個忌廉湯底就好杰既，但陣味就唔似飲金寶湯，似淡忌廉加水再加啲黑松露味甘，都ok既，唔會好味精。烏冬方面就係用扁烏冬，無咩咬口，我都係比較中意煙韌啲。