森巴餐廳 (已結業)

朋友帶我來 samba慶祝生日，又有驚喜，食物又好味，正啊！餐廳佈置好有生日氣氛，大部份食客都係黎慶祝生日，好似一個十月之星生日大party甘。其他配套有幫客人拍照製作生日咭，生日月曆和精美生日蛋糕；朋友印左coupon，我地還可以自製相架，好nice啊！食物方面好豐富，細細碟，食左好多款菜。麻薯餐包：香軟有芝士味，好想食多幾個。龍蝦湯及忌廉魚湯：龍蝦湯鮮味，比魚湯好味。蘑茹酥盒：蘑茹酥皮好香，加埋creamy sauce食好正。大蝦木耳沙律：第一次食木耳沙律，幾特別，但又唔係覺得特別好味。海謄焗蟹蓋和芝士焗帶子：兩者味道相似，鋪面醬料酸酸甜甜，減低左油膩既感覺，我欣賞蟹蓋餡真係有一絲絲既蟹肉。魚扒配帶子：魚扒肉滑，帶子就細粒左D啦。Steak：肉嫩 juicy，好香。意大利飯：飯粒有咬口，sauce creamy，撈埋飯食好配合。心太軟伴雪糕：心太軟太細size，做唔出一切開流出朱古力暖心既效果。藍苺芝士蛋糕：好味，如果係baked款的話我更鍾意。火焰生日蛋糕：好驚喜，個外表已令我喜歡了！有誠意心思的生日飯，我好鍾意！