大班麵包西餅 (已結業)

一間麵包店， 無諗過D熟食可以有如此水準，一定好過好多茶餐廳。初初經過，只以為因為迎合樓上班OL， 順便賣埋熟食，更因為設備絕對沒有一般餐廳齊備所以一直無諗過D 野好食。。第一次食，試小食， 食個潮州粉果。好好食，D stuffing 好足， 好豐富！D 豉油調味好好，仲可以加辣椒油，好好味。第二次食， 吉烈豬扒烏冬。無諗過使法都好認真。因為外賣， 豬扒會同湯分開上， 以免豬扒焾掉。豬扒炸得好好， 好乾身，肉質一D都唔實，所以食後唔會有膩的感覺。烏冬湯底都唔簡單， 唔似D茶餐廳淡而無味的水。佢地跟足日本烏冬湯底做法，所以湯底味道濃郁！再加上佢地有落芝麻同紫菜，所以好香! 自此知道佢地品質絕對唔睇得少!第三次食， 試個雞皇焗飯。又係好有水準。雖然有好多汁，D 飯好都好乾身，一粒粒分開，依家真係好難食到有咁既水準。翠X 都未必可以做到。直到今日試左咁多樣都好滿意， 會繼續幫襯。我覺得佢地絕對係隱世的好野！不過佢其實都係一間麵包店，所以晚上6時左右就關。