Green Orange

朋友介紹呢間西餐廳食物唔錯，喺openrice訂位仲有8折，所以黎食佢嘅set dinner套餐，呢個餐都幾多野食，味道幾好，唔錯。黑松露蟹肉多士好香黑松露味，個醬撈埋蟹肉，都幾鮮味，好味。烤蜜糖啤梨伴巴馬火腿沙律份量都幾大碟，個啤梨比d蜜糖煮過，唔算太甜，食落好香肉桂味，而d巴馬火腿食落好香，脂肪分佈好均勻，沙律汁酸酸地，好開胃。海鮮湯個顏色好靚，非常香濃嘅海鮮味，飲落好鮮味，仲有隻大青口，肉質好嫩滑，唔錯。慢煮阿根廷紅蝦羽衣甘籃香草醬意大利麵紅蝦好爽口彈牙，好大隻，好鮮味，而意大利麵食落好煙韌，個醬汁幾特別，好香濃嘅香草味，d麵吸收晒d醬汁，好味。10zo美國頂級西冷排叫咗7成熟，完全冇overcook,啱啱好，牛味好重，食落好淋，唔會好韌，外面煎到有少少焦香，好味。焙茶焦糖燉蛋燉蛋上面果層焦糖脆卜卜，好香嘅焦糖味，而燉蛋嘅顏色係啡啡地，食落好香茶味同蛋嘅香味，好滑，唔太甜好味。