海街丼 (海濱匯)

營業中

休息中

收工去海濱行，行到去海濱盡頭，見時間差唔多，就行去海濱匯搵下野食。上年聖誕時喺呢頭食，feeling 唔錯。今次上黎就見到呢間日本料理，一於試下三文魚親子丼，服務員拎黎時講解埋點食，佢地預備左一碟啫喱醋，自己調節飯既醋味配魚生，食到差不多剩3份1左右，再加配料同一小壺魚湯，撈埋成茶漬飯，2種口味同時試到，好味👍👍黑豚肉丼啲豬肉煎得岩岩好，豬肉肥而不膩，上面搽埋醬汁同沙律醬，好開胃。一大碗食完，唔會覺得太滯，配埋個麵豉湯，好舒服👍加錢可以有甜品飲品，叫左朱古力羊羹芝士蛋糕，上面係朱古力味既羊羹，下面係芝士蛋糕，口感唔錯，係嫌細舊左，幾啖就食哂，如果大舊啲會好啲。呢間真係幾高質，食完會想再食多次。