影片
更多
2023-03-08
209 瀏覽
地址－LUCULLUS CACAO (The LOHAS)將軍澳康城路1號康城3樓347號舖有日去左康城最新入伙的屋苑HOUSE WARMING，去之前因為知道有間幾岩用黎打咭的食店，咁就同朋友食左個TEA先，食完至入去慢慢坐……💋Chocolate Hazelnut Dip Croissant，呢個牛角包有大約一半的SIZE係比榛子朱古力醬包裹住，食落唔會太膩，而且佢成個PACKAGE勁脆身，食落幾有口感，唔錯。💋Triple Pain au Chocolate，身為朱古力狂熱份子的我地，點會只得一件朱古力食物就能夠滿足我地㗎?? 我地再叫多個三重朱古力牛角包黎食，一上菜，就見到一件牛角包被厚厚的朱古力包裹住，仲要面層有唔少的朱古力粉，當我地係度諗第三重係邊的時候，一切開中間一望，我地真係太年輕了，佢仲有一層朱古力醬係裡面，完全係能夠滿足到我地朱古力狂熱份子的要求！食落唔會太苦或者太甜，味道剛好，正。💋CACAO Scone，食完咁多朱古力產品後，我地都食返個鬆餅試下唔同食物，店員問我地想跟JAM定CREAM，我地一致決定要JAM，果然呢個選擇係冇錯的，件鬆餅 配上JAM的配搭絕對令
將軍澳康城路1號康城3樓347號舖
有日去左康城最新入伙的屋苑HOUSE WARMING，去之前因為知道有間幾岩用黎打咭的食店，咁就同朋友食左個TEA先，食完至入去慢慢坐……
💋Chocolate Hazelnut Dip Croissant，呢個牛角包有大約一半的SIZE係比榛子朱古力醬包裹住，食落唔會太膩，而且佢成個PACKAGE勁脆身，食落幾有口感，唔錯。
💋Triple Pain au Chocolate，身為朱古力狂熱份子的我地，點會只得一件朱古力食物就能夠滿足我地㗎?? 我地再叫多個三重朱古力牛角包黎食，一上菜，就見到一件牛角包被厚厚的朱古力包裹住，仲要面層有唔少的朱古力粉，當我地係度諗第三重係邊的時候，一切開中間一望，我地真係太年輕了，佢仲有一層朱古力醬係裡面，完全係能夠滿足到我地朱古力狂熱份子的要求！食落唔會太苦或者太甜，味道剛好，正。
💋CACAO Scone，食完咁多朱古力產品後，我地都食返個鬆餅試下唔同食物，店員問我地想跟JAM定CREAM，我地一致決定要JAM，果然呢個選擇係冇錯的，件鬆餅 配上JAM的配搭絕對令人一試難忘，酸酸甜甜的JAM，配埋件鬆餅一齊食，味道層次豐富，而且件SCONE的口感厚實，頂部呈現光滑的黃色，勁正。
💋Crab & Avocado Sourdough，食完咁多甜點後，我地都叫返個”鹹點”黎中和一下口腔，呢個酸種麵包多士勁脆身，而且面層鋪滿厚厚的牛油果肉同埋蟹肉，當食時用隻叉一拮落去，D溫泉蛋的蛋黃流晒成個多士度，畫面真美，而且一口中又食到蟹肉的鮮味，牛油果個的的油香，配埋多士，層次豐富到一個點，我都唔太識得形容，真係好正！
💋S.O.C.，S.O.C.的全名根據MENU所講係Single Origin Chocolate，即係馬達加斯加的單品朱古力同埋香滑的鮮奶結合，配上勁多的朱古力碎係面，飲落朱古力勁香濃之餘，口感亦都好厚實，係呢個嚴冬之中飲左呢杯熱飲，幸福度絕對係爆燈！
💋Iced S.O.C Dark Mocha，咁既然叫得頭先杯朱古力，都好想試下配埋咖啡度會有咩效果，果然佢D香濃朱古力配埋咖啡度，兩種勁香的食材一結合，成件事真係會好令人着迷，而咖啡亦為餘下的時光提供了源源不絕的動力。
張貼
