Our Little Dream (已結業)

💛Our Little Dream——————————————-餐廳位置喺將軍澳海旁附近，地鐵站行10分鐘左右就到，都算好方便，而且環境好舒適！拍下拖散步行吓街亦都好舒服！———————————————💛龍蝦意粉 $298大大隻嘅龍蝦，配合埋好香濃嘅龍蝦汁，一上枱就已經聞到龍蝦嘅香味流晒口水！而且呢隻龍蝦我相信就算自己買返嚟都唔平！所以呢個價錢可以食到呢個質素真係好好！而且龍蝦肉已經全部剝好晒，非常方便進食！——————————————-💛西班牙烤乳豬 $348店員推介左呢一份烤乳豬，本來都冇乜特別期望，但係一食落去真係嚇親！口感味道嘅層次都好豐富！首先烤乳豬嘅皮非常香脆，而且乳豬嘅肉好香同埋依然好Juice，配合埋呢個酸酸甜甜嘅醬汁中和返乳豬嘅油膩感覺，成件事好夾！值得介紹嘅一道菜色———————————————💛總括感想餐廳環境唔算係好奢華，但係勝在食物質素方面非常有優勢！雖然價錢唔算好平，但係絕對係性價比好高！如果想食高質嘅食物，又唔想去啲高級餐廳食貴價嘢嘅話，呢度絕對係一個好好嘅選擇！