串串燒 by Season (已結業)

旺角依間地下串燒店「串串燒By Season」真係性價比高，依度嘅串燒食過翻尋味，巨型一公升汽水仲要超盞鬼，配串燒一流。壽喜燒野菜頂級牛小排鍋，壽燒燒湯底味道正宗，牛小排肉質肥瘦適中，口感嫩滑，材料好豐富，包括有娃娃菜、雞脾菇、魚板、雞蛋、金菇、香蔥，食落好入味。燒日本雞泡魚，口感薄脆，味道甜鮮，配以美乃滋食用，味道更佳。吉列炸蠔4隻，口感外酥脆內鮮嫩，炸蠔味道清甜，配以芥末沙律醬食用，味道甜辣。燒魷魚，原條魷魚食落鮮味十足，肉質厚肉、爽彈，味道惹味。惹味燒雞翼，肉質肥美，肉汁飽滿，味道咸中帶辣。2串燒海螺片，海螺口感爽口，味道鮮甜。燒芝士牛柳，肉質軟腍，味道咸香，配以酸椒粒食用，味道更加獨特。4串燒牛柳，肉質厚度適中，牛味濃郁，黑椒味道濃香。蒜蓉金菇，份量多，金菇充滿蒜蓉、醬油味道，食落好香口。蜂蜜魚腐燒，魚腐口感Q彈，味道鮮香，配以蜂蜜食用，味道咸中帶甜。2串燒雞軟骨，口感爽脆。鮮檸檬七喜1L大杯裝汽水，味道酸甜，飲落好清爽。