新森林焗之專門店 (已結業)

第一次佐敦店食。檯擺得好迫，迫到要拉開張檯我老婆至埋到個位坐低！而且環境好嘈，面對面都差聽唔到老婆講乜！重有，坐我老婆隔離位個客好慘，因為佢頸背後塊玻璃牆有突出邊位，姐仔唔知係唔係貪方便，將張menu「儐」邊位度，姐仔成日走去拎/放低張menu已經好disturbing，重要佢「儐」張menu「儐」得唔好，跌落幾次，次次都扑中個客背脊！個客都算好脾氣，食完走就算喇。講番食物，叫兩個set (每樣都係$30)：(1)豬扒拼石斑焗飯；同(2)焗新德里咖喱羊肉飯。前者OK，後者用免治羊肉，感覺冇一舊舊羊肉咁好，只算普通。