北方餃子源 (榮華商業大廈) (已結業)

話說前幾日行去一蘭行錯路，經過呢間餃子店，已經心郁郁想試下。今日跑完步想食啲冇咁肥膩既野，即刻去試～豬肉白菜餃好好味既豬肉餃！一咬落去好鮮味！乜醬乜豉油都唔使點就已經好夠味。咬落去唔會散收收得黎又好有肉汁！好味！但就唔係好食倒啲饀有白菜。寫寫下已經想再食喇煎牛肉餃朋友好鐘意食呢款牛肉餃，牛肉饀味道好濃，但我都係嫌油膩左少少，所以主攻豬肉餃手撕雞菜飯手撕雞肉質有啲鞋，似燒雞，本身冇乜味，加埋醬料就幾好送飯另外仲叫左個醉豬手，不過好彩佢落漏單，食呢三樣野已經好飽題外話侍應哥哥幾好人，我叫左豆漿，送到黎果一刻又想轉飲山渣茶，佢二話不說即刻幫我轉。杯山渣茶幾好飲，唔會太甜又幾開胃下次再黎試其他野！