影片
更多
2020-08-10
83 瀏覽
今日食晏時間經過呢度，見到呢間新開小店，名字幾特別，食花甲粉，咁我有興趣，就入去試吓。佢有「招牌花甲粉」，亦有「招牌花蟹粉」，我兩樣都想食，咁就叫咗$68嘅「花甲花蟹粉」😁。喺呢間餐廳「粉」係代表「粉絲」。我仲選咗小辣嘅湯底。等嘅時候抬頭一看，見到室內裝修得幾有心思幾特別，有好多懷舊明星相，其中有我喜歡嘅天才童星Shirley Temple，殿堂級女星Ingrid Bergman等等，好。等咗一陣個粉絲煲就嚟啦，用錫紙包住，打開睇吓，嘩裏邊有成隻花蟹！再翻下啲材料，見到有好多肥美嘅花甲。飲一啖湯先，非常鮮味。花蟹同花甲嘅肉都好結實好新鮮，唔怪得煮出來嘅湯咁鮮味。花甲有成7-8隻咁多，另外仲有金菇菜；我又另外加配咗生菜、牛丸同火腿丸😋；咁多材料配合小辣嘅湯底，令到粉絲非常嘢惹味，越食越開胃，好快就比我掃清光。呢餐食得非常開心滿足😋
佢有「招牌花甲粉」，亦有「招牌花蟹粉」，我兩樣都想食，咁就叫咗$68嘅「花甲花蟹粉」😁。喺呢間餐廳「粉」係代表「粉絲」。我仲選咗小辣嘅湯底。
等嘅時候抬頭一看，見到室內裝修得幾有心思幾特別，有好多懷舊明星相，其中有我喜歡嘅天才童星Shirley Temple，殿堂級女星Ingrid Bergman等等，好。
等咗一陣個粉絲煲就嚟啦，用錫紙包住，打開睇吓，嘩裏邊有成隻花蟹！再翻下啲材料，見到有好多肥美嘅花甲。飲一啖湯先，非常鮮味。
花蟹同花甲嘅肉都好結實好新鮮，唔怪得煮出來嘅湯咁鮮味。花甲有成7-8隻咁多，另外仲有金菇菜；我又另外加配咗生菜、牛丸同火腿丸😋；咁多材料配合小辣嘅湯底，令到粉絲非常嘢惹味，越食越開胃，好快就比我掃清光。
呢餐食得非常開心滿足😋
張貼
