黃金屋 (已結業)

今晚老朋友【華】約晚飯,咁啱我又休息兩日,所以應承咗佢。到七點約埋另一朋友,同【華】一家三口,原約咗去【新星】酒家晚飯,但因另一朋友話【黃金屋】正,加埋我未試過都想試下,所以就決定臨時改變場地。晚上七點半到達坐出面,叫咗【黃金鮮魷、辣酒煮花螺、古法蒸鯇魚、肉鬆蒸水蛋、鹵水豬頭肉 & 蝦醬通菜炒牛肉】六個餸。(黃金鮮魷): 其實真係幾惹味,但因為除咗鹹蛋黃之外,我覺得廚房都係落多咗鹽,送啤酒都唔錯嘅。(辣酒煮花螺): 螺唔新鮮好多隻都肉霉,汁水唔覺有酒味及香味,但係齋勁辣遮掩哂其他味道,呢道菜好失敗。(古法蒸鯇魚): 魚肉好腥,冬菇及豬肉絲份量好少,冇咩惹味配料一齊蒸,只係事後灒啲甜豉油,食落完全唔掂。(肉鬆蒸水蛋): 普通唔錯可以接受,當家庭小菜送飯ok,但唔可以話出色。(鹵水豬頭肉): 好肥唔煙靭冇口感,鋪碟底芽菜好生,豉油又係好鬼死鹹。(蝦醬通菜炒牛肉): 幾大碟,但又係勁鹹,加埋牛肉片好少好散,唔掂呀!服務一樣唔掂,前亞視藝員事頭婆【盧希萊】,全場都唔係太主動,另一個大肥仔+ 一個矮身材光頭中年漢 + 高瘦阿姐 + 啤酒推銷小姐。上菜只會係咁隊埋枱邊,唔幫你執位或擺正上枱,好似一