來多碗車仔麵 (路德圍) (已結業)

最近荃灣潮流食兩三蚊一碗豆腐花，作為吃貨當然不能錯過！順路經過路德圍，見到來發碗車仔麵店舖裝修光鮮乾淨，門口又大大個牌寫住2餸一麵$28，呢個價錢都好耐冇見過，即刻衝入去食返碗麵。門口就係開放式廚房，食材一目了然，可對住大廚直接點菜，不用剔紙仔，減刪無謂工序省時又環保。雖則話2餸1麵才$28，我同吃貨朋友都忍唔住每人叫左個5餸$49，超大碗，但又食得好開心。朋友的5餸河粉，冇加色，湯底清清的，絕冇口渴味精。我的5餸米粉，加左色，加色後比較貼近我心中的完美車仔麵，因為我個人重口味。遇上秘製辣醬和魔鬼辣醬，首次幫襯還是安全的好，小試一下秘辣。同朋友交換一輪，大家都變成了8餸。下了一大匙的秘辣小甜而不辣（可能個人比較受辣），蘿蔔清甜無渣，豬腸乾淨軟腍，豬紅軟而不散，魷魚新鮮爽口，雞翼鹵得入味而且帶有小許酒香，很喜歡！車仔麵要配$8可樂才完美。作為車仔麵忠粉，喜聞來多碗有數家分店。好麵難求，實在係食客福氣。