日丁一保 (已結業)

有日坐的士，問司機叔叔知唔知筲箕灣那處有好味煲仔飯，司機叔叔介紹我去東大街街尾 "香港茶餐廳"。今日上openrice睇睇先知唔係大集團個間，係呢一間日本菜餐廳裝修的茶餐廳。店員知我地專情來試煲仔飯，介紹我同媽媽order "招牌煲仔飯" 同 "生滾黃沙潤雞煲仔粥"。兩樣都好味。個煲仔飯有5樣餸，臘腸，潤腸，雞，排骨同臘肉。樣樣有1至3塊都幾豐富。另外，啲飯焦脆脆地，好好味。個粥都好味，啲豬潤好"沙", 個人喜愛豬潤，所以食得好開心。跟餐有一杯中國茶及魚湯娃娃菜，店員介紹魚湯冇落味精，係每日用新鮮魚煲，所以可以連湯都飲埋。媽媽試個魚湯都話好味。最後埋單結帳總共80大元，抵食!另外，司機叔叔介紹我食蘿蔔牛腩煲，但同媽媽兩個人食唔到咁多，唯有留番下一次。