漁港薈 (已結業)

話說銅鑼灣地標百貨公司做大減價，太座要去血拼，拼完當然係要食嘢補充返，行過隔離門口見到好多人派傳單，原來有好多食店喺樓上，姐姐話呢間新開嘅叫我地試吓，又好!地方唔大但好骨緻，大玻璃望到外面軒尼斯道，新開地方清潔企理，職員好細心講解餐牌同優惠，又好!我兩點咗個晚市A餐，先嚟“鮑魚蟲草花燉雞腳”，飲得出絕無味精 ，湯渣都食哂!“黃金川辣炒蟹”超惹味的配搭，又唔算太辣，啱我食辣嘅級數!“紅燒妙粉乳鴿”我經常講燒味必要趁熱食先好味，一上枱就食隻鴿髀先，嫩滑無比，一人半隻剛剛好!終於到蒸氣火鍋，拼盤有大鮑魚、蟶子、帶子、海蝦、甜貝同埋多寶魚片，火鍋只要材料好，蒸嘅時間掌握得好就會好味道，仲有專人負責，唔會蒸過鐘，又好!“安格斯手切肥牛”千萬不要蒸太熟，剛剛好就會肉汁豐富有小小咬口，正!最尾嘅“粗糧拼盤”好特別，估唔到碗“綠豆沙”用嚟做總結真係有畫龍點睛嘅效果!