影片
更多
2008-04-24
41 瀏覽
其實今次去食, 係因為食附近d 嘢食到悶, 而朋友佢之前聽過人介紹話好正, 所以我地2個就係抱住"睇下有幾正"既心態去食既。前菜係一碗仔生既椰菜, 紅蘿蔔之類, 望落去乾乾地, 唔係特別新鮮, 不過點左個特製醬食就變得味道幾特別。食第一道燒鰻魚, 好咸。第二道雞軟骨, 好咸。第三道牛舌, 好咸。如此類推。佢地用黎做賣點既日本海鹽完全派唔上用場。明太子雞柳有新鮮感, 因為食落先發覺雞肉上面既明太子醬係凍既, 而雞肉係熱既, 有強烈對比, 咬時bok bok 聲咁。不過咬完bok bok 明太子之後既味道就無特別喇, 係燒雞咁味囉。angus牛柳印象就幾深刻, 因為個樣麻麻地吸引, 但係食落口就外熱內軟, 唔"un"無渣, 有肉汁。洋蔥生牛肉就....唔得囉。肉質"鞋", 洋蔥味太甜, com 晒d 牛肉味(如果本身d 牛肉有味既話), 仲要有唔知係汁定係血水浸住水汪汪咁。不過都唔差得過個燒日本ladies finger, 我鍾意ladies finger 既最大原因係裡面chi chi lup lup 既嘢, 不過俾佢燒一燒, 就乾晒柴。鵝肝就一般, 不過不失, 但係一路食就一路覺得鵝肝
前菜係一碗仔生既椰菜, 紅蘿蔔之類, 望落去乾乾地, 唔係特別新鮮, 不過點左個特製醬食就變得味道幾特別。
食第一道燒鰻魚, 好咸。第二道雞軟骨, 好咸。第三道牛舌, 好咸。如此類推。
佢地用黎做賣點既日本海鹽完全派唔上用場。
明太子雞柳有新鮮感, 因為食落先發覺雞肉上面既明太子醬係凍既, 而雞肉係熱既, 有強烈對比, 咬時bok bok 聲咁。不過咬完bok bok 明太子之後既味道就無特別喇, 係燒雞咁味囉。
angus牛柳印象就幾深刻, 因為個樣麻麻地吸引, 但係食落口就外熱內軟, 唔"un"無渣, 有肉汁。
洋蔥生牛肉就....唔得囉。肉質"鞋", 洋蔥味太甜, com 晒d 牛肉味(如果本身d 牛肉有味既話), 仲要有唔知係汁定係血水浸住水汪汪咁。
不過都唔差得過個燒日本ladies finger, 我鍾意ladies finger 既最大原因係裡面chi chi lup lup 既嘢, 不過俾佢燒一燒, 就乾晒柴。
鵝肝就一般, 不過不失, 但係一路食就一路覺得鵝肝下面爭咁舊飯。因為縱使燒左, 塊肝都仍然係太膩。不過我估就算用黎做鵝肝壽司, 都應該唔夠好, 因為個面唔係用炙壽司d gas燒, 而係用炭燒。
講到炭燒, 唯一覺得有特色既就係間鋪好有炭燒氣氛, 仲有, 個炭燒粟米係幾好味既。
總結係, 用呢個質素既食材做燒鳥料理....唔駛咁貴吓嘛..?!
張貼