影片
更多
2015-11-06
960 瀏覽
好朋友家住在黃埔，所以好多時都會在黃埔食嘢消費，佢話紅磡黃埔新天地百寶坊一帶，近半年間開咗好多食店，而且選擇都好多，其中一間叫Cafe Charm’s 就係近期人氣新餐廳，聽講話主打輕食，All Day Breakfast 同不能錯過即製鮮果雪糕窩夫。朋友知道我很喜愛食窩夫，所以就約咗我一齊去試吓。餐廳環境寬敞舒適，只有近門窗附近的位置放有絨面梳化，正正是我最喜愛的坐位，當然很開心可以被安排到啦﹗長長的餐廳裝飾得很簡約，牆上還掛上不少餐廳食物相同風景相。餐牌款式多，而且仲配上食物靚相，因為有嘢要做，所以午餐時間都稍為遲咗啲，嚟到餐廳已經太餓了，友人同我就叫咗個手工和牛漢堡、午餐就叫咗意式香煎三文魚配黑松露薯蓉。手工和牛漢堡，因為可自行配搭餡料同醬汁，所以分量都可以好豐富，另配上即炸香脆薯條，真夠分量。和牛外表烤得焦香，內裡嫩滑，牛肉味濃，再加上香滑芝士、新鮮番茄生菜、菠蘿同煙肉醬汁，入口啖啖肉，口感新鮮，令人滋味無窮。是日餐湯為紫薯湯，味道香甜，因為用紫薯打成薯蓉變成湯，所以口感顯得較濃。意式香煎三文魚配黑松露薯蓉，賣相很美，三文魚上檯時，香氣陣陣撲鼻，魚皮煎得香脆，油脂豐滿，中間位置
好朋友家住在黃埔，所以好多時都會在黃埔食嘢消費，佢話紅磡黃埔新天地百寶坊一帶，近半年間開咗好多食店，而且選擇都好多，其中一間叫Cafe Charm’s 就係近期人氣新餐廳，聽講話主打輕食，All Day Breakfast 同不能錯過即製鮮果雪糕窩夫。朋友知道我很喜愛食窩夫，所以就約咗我一齊去試吓。餐廳環境寬敞舒適，只有近門窗附近的位置放有絨面梳化，正正是我最喜愛的坐位，當然很開心可以被安排到啦﹗
長長的餐廳裝飾得很簡約，牆上還掛上不少餐廳食物相同風景相。
餐牌款式多，而且仲配上食物靚相，因為有嘢要做，所以午餐時間都稍為遲咗啲，嚟到餐廳已經太餓了，友人同我就叫咗個手工和牛漢堡、午餐就叫咗意式香煎三文魚配黑松露薯蓉。
手工和牛漢堡，因為可自行配搭餡料同醬汁，所以分量都可以好豐富，另配上即炸香脆薯條，真夠分量。
和牛外表烤得焦香，內裡嫩滑，牛肉味濃，再加上香滑芝士、新鮮番茄生菜、菠蘿同煙肉醬汁，入口啖啖肉，口感新鮮，令人滋味無窮。
是日餐湯為紫薯湯，味道香甜，因為用紫薯打成薯蓉變成湯，所以口感顯得較濃。
意式香煎三文魚配黑松露薯蓉，賣相很美，三文魚上檯時，香氣陣陣撲鼻，魚皮煎得香脆，油脂豐滿，中間位置呈半熟狀態，肉質軟滑，入口融化，配上黑松露薯蓉，完全不覺魚脂之膩，味道極好。
宇治抺茶鮮奶，抺茶與鮮奶完全融合，抺茶味道很甘醇滋味，不會過甜，真的不錯。
玫瑰鮮奶咖啡，以玫瑰花作點綴，有淡淡玫瑰花香。
食到差不多了，當然唔可以錯過甜品啦﹗即刻叫咗個奧利奧與布朗尼迷人窩夫，賣相非常精緻吸引，配料豐富，份量還十足呢﹗
仿似花形的窩夫上面，加咗好多迷你Oreo 同Brownie小蛋糕，厚厚窩夫外層香脆，內裡鬆軟，有很濃的蛋香味，再配上香濃的曲奇同朱古力雪糕一齊食，口感更香甜軟滑又帶點脆口，真的一口接一口，美味停不了。
最後埋單時，店員還很有禮貌俾咗一張印花獎賞卡俾我地，話依家即日起消費滿＄120，即可有印花1個，集齊3個印花，可獲享鮮奶咖啡一杯，集齊5個印花，可獲享任何特飲一杯或芝士薯條一客，集齊8個印花，更可獲享士多啤梨或香蕉朱古力窩夫，或卡邦尼意粉一客。睇落都幾吸引，相信好快又會再來幫襯。
張貼
