La Resaca (已結業)

呢日嚟到灣仔呢間西班牙餐廳，設計都幾新派，水泥牆身，少少工業風。餐牌選擇好多，包括各種西班牙嘅特色菜tapas、主菜、意粉、paella等。 溫泉蛋辣肉腸薯絲 ($88)呢個小食好香口，辣肉腸配埋溫泉蛋嘅流心蛋黃，仲有整得好香脆嘅薯仔，入口有多種口感，味道亦都十分豐富。 西班牙蛋餅 ($88)蛋餅整得好厚身，蛋味好香濃，入面有啲煙肉粒，點埋蕃茄或沙律醬，好味。 西班牙海鮮飯 ($298)必食西班牙海鮮飯，海鮮配料好多，有超大隻嘅魷魚、蝦、青口、帶子等，全部都新鮮好味。除咗海鮮外，仲落咗洋蔥、辣肉腸、南瓜、洋蔥、紅蘿蔔，再加少少檸檬汁，提升咗成個炒飯嘅層次。飯亦整得煙韌有咬口，真係必食推介。 西班牙油條 ($68)甜品方面點咗好出名嘅西班牙油條，上枱熱辣辣，炸得外脆內軟，點埋吉士醬或朱古力醬，味道又幾特別。餐廳食物水準唔錯，環境好chill，啱晒一班朋友食野飲野。