CHiLL-i (已結業)

週末同朋友去觀塘行街，行到有啲餓，openrice 見到呢間餐廳唔錯，就去咗食。我哋每人要左一個午餐一杯飲品，再升級上豪華定食，有埋餐湯、兩款小食同甜品。朱古力咖啡飲品面頭有大量忌廉，喝落去有濃濃咖啡味。蜂蜜柚子梳打賣相唔錯，又夠大杯，飲落去好fresh,唔會好甜,仲有可以食嘅柚子肉。餐湯及小食非常好飲，絕對唔係味精湯，薯仔味夠，而且好creamy,沙律有好多蟹肉，豆腐炸得金黃，食落外脆內軟。香煎·盲曹魚柳.意大利茄醬燴菜·薯仔沙律擺碟非常有心思，魚柳煎得幾好，個皮好脆，份量比想像中多，伴碟個醬都好惹味。泰式青咖喱.烤鷄扒·牛油果·泰國香米白飯好特別嘅菜式，第一次食咖喱雞配牛油果，估唔到又出奇地夾，青咖喱唔算好辣，點埋香滑嘅雞扒食，整體感覺好好。甜品蛋糕食落好濃芝士味，又有新鮮水果伴碟，絕對冇後悔升級。總括而言，餐廳食物質素高，價錢合理，下次有機會會再去。