Opa Mediterranean Bar and Bistro (已結業)

📍Opa Mediterranean Bar and Bistro - 尖沙咀尖沙咀漆咸道南33-35號友聯大廈地舖1-2號舖🤍位於赫德道與漆咸道南交界，附近都係酒吧一帶，大家想黎食飯或者chill都可以考慮OPA👍🏻黑松露野菌意大利飯155硬身少乾意大飯，咬感一粒粒，配上黑松露野菌都帶出到濃郁既味道，再配有一塊類似豬肉乾既東西，少少咸，但配落個飯度食都幾特別👍🏻烤豬肋骨 $248 濃郁燒汁醬料，配有沙律菜同蕃茄仔，中和返豬肋骨既酸度同肉汁濃度，烤豬肋骨既味道剛剛好，肉汁鮮嫩，食落唔會有肉渣，值得一讚！ 🤍餐廳環境陰暗，播放慢慢既音樂，有情調，岩哂情侶拍拖同chill 下 ，黎緊11月又就嚟到世界盃，附近都有好多酒吧可以睇波，大家睇波之前可以嚟呢度飲番杯食個飯，都係一個不錯的選擇！ 🤍渣車黎既朋友可以入下個街口赫德道等位，如果冇位記得泊返入停車場，好多時候都會喺呢度抄牌。