影片
更多
2021-05-20
16 瀏覽
放假一早黎摩羅街，樓梯街一帶懷舊一番。中午係附近搵食。Season Plus 外面有紅葉樹， 藤椅，日頭坐係度放空好正，不過我地怕熱，所以選揀坐室內近門口。😅餐牌生蠔好吸引，叫枝餐酒，就可以用$50 叫半打中 size 生蠔 ／1打細生蠔。我地鍾意 creamy ，所以 order 中生蠔，當然配枝白酒。生蠔 size 都算大，海水味吾係太濃而 creamy，啱我既口味。呢枝白酒係乾身爽口，好適合配海鮮。有白酒，要再叫個海鮮拼盤，有龍蝦， 扇貝，螺，蝦，大啡茹，用芝士焗，好香好芝味。龍蝦好新鮮好好肉，扇貝好大隻，鮮甜，螺好爽口又吾會韌。最後加多個燒牛肉 All day breakfast 。燒牛肉燒得剛好，裡面少粉紅， 嫩滑有牛味。雞肉腸係淡鹽，好健康。車厘茄好甜。黑松露炒滑蛋好好味，我仲砌左個煙三文魚黑松露多士。😋天氣咁好，坐係間悠閒既餐廳，食下生蠔海鮮，飲返兩杯 chill 下，人生一樂也。🤗
Season Plus 外面有紅葉樹， 藤椅，日頭坐係度放空好正，不過我地怕熱，所以選揀坐室內近門口。😅
餐牌生蠔好吸引，叫枝餐酒，就可以用$50 叫半打中 size 生蠔 ／1打細生蠔。我地鍾意 creamy ，所以 order 中生蠔，當然配枝白酒。
生蠔 size 都算大，海水味吾係太濃而 creamy，啱我既口味。呢枝白酒係乾身爽口，好適合配海鮮。
有白酒，要再叫個海鮮拼盤，有龍蝦， 扇貝，螺，蝦，大啡茹，用芝士焗，好香好芝味。龍蝦好新鮮好好肉，扇貝好大隻，鮮甜，螺好爽口又吾會韌。
最後加多個燒牛肉 All day breakfast 。燒牛肉燒得剛好，裡面少粉紅， 嫩滑有牛味。雞肉腸係淡鹽，好健康。車厘茄好甜。黑松露炒滑蛋好好味，我仲砌左個煙三文魚黑松露多士。😋
天氣咁好，坐係間悠閒既餐廳，食下生蠔海鮮，飲返兩杯 chill 下，人生一樂也。🤗
張貼
