影片
更多
2024-09-19
1686 瀏覽
一向都幾鍾意Feast，雖然選擇不算好多，但每款都用心製作，頗為精緻，所以耐不耐都會幫襯。今年訂咗Feast半自助晚餐同家人慶祝中秋節，但郤極為失望，食物選擇、味道、賣相全部跌晒watt，唯一不變的是價錢，每位HK$688+10%，HSBC信用卡有85折。 前菜方面有好瘦削嘅生蠔，但尚算新鮮。 熟蝦正常，青口同蟹腳淡而無味。海鮮corner食完一round之後，完全冇encore的意欲。 跟住行過去凍櫃，我以為自己睇錯，竟然見到酸薑皮蛋、中華沙律、日式海蜇，呢類非常hea嘅食物。 好彩仲有醃三文魚、雞肝醬、吞拿魚他他，可惜全部調味非常之咸。 隔離沙律bar啲菜又比啲sauce浸到淋晒，估唔到咁簡單嘅食物都可以整成咁，食到呢到心情真係跌咗落谷底。主菜方面，每位客人可以order一份。牛扒香口，份量足，合格； 印式⽺⾁併盤調味出奇地淡口；烤天多利智利鱸⿂，我冇試到，家人話味道ok，但舊魚好細。 另外仲有啲任叫嘅side dish，好似炸薯條、焗薯、炒飯呢啲飽肚嘢。 成個半自助晚餐最好食嘅係甜品，Crème Brûlée、 楊枝甘露都好出色另外都要讚吓各位員工，做嘢快手又有禮貌。其實嚟之前係
今年訂咗Feast半自助晚餐同家人慶祝中秋節，但郤極為失望，食物選擇、味道、賣相全部跌晒watt，唯一不變的是價錢，每位HK$688+10%，HSBC信用卡有85折。
前菜方面有好瘦削嘅生蠔，但尚算新鮮。 熟蝦正常，青口同蟹腳淡而無味。海鮮corner食完一round之後，完全冇encore的意欲。 跟住行過去凍櫃，我以為自己睇錯，竟然見到酸薑皮蛋、中華沙律、日式海蜇，呢類非常hea嘅食物。 好彩仲有醃三文魚、雞肝醬、吞拿魚他他，可惜全部調味非常之咸。 隔離沙律bar啲菜又比啲sauce浸到淋晒，估唔到咁簡單嘅食物都可以整成咁，食到呢到心情真係跌咗落谷底。
主菜方面，每位客人可以order一份。牛扒香口，份量足，合格； 印式⽺⾁併盤調味出奇地淡口；烤天多利智利鱸⿂，我冇試到，家人話味道ok，但舊魚好細。 另外仲有啲任叫嘅side dish，好似炸薯條、焗薯、炒飯呢啲飽肚嘢。
成個半自助晚餐最好食嘅係甜品，Crème Brûlée、 楊枝甘露都好出色另外都要讚吓各位員工，做嘢快手又有禮貌。
其實嚟之前係YouTube睇到話Feast轉咗嗰廚食物水準差咗，但冇諗到真係差得咁緊要 啲前菜好似係超市賣返嚟，打開個包裝，轉隻碟，就攞出嚟招呼你。 咁嘅價錢, 咁嘅食物真係冇下次。
張貼
