OK德海南雞專門店 (新都城中心) (已結業)

一入到呢間海南雞飯餐廳，就聽到店員好大聲咁歡迎你，好耐冇試過咁好禮貌嘅餐廳我同朋友2個坐埋咗去卡位，估唔到2pm人客都唔少我哋叫咗兩個餐，餐飲嚟先，熱奶茶同凍檸茶都上得好快，味道亦有茶記嘅水準我叫嘅係口水雞飯，基本上係海南雞飯嘅雞嚟嘅，所以都係冇骨嘅淋上好多口水雞嘅麻辣汁，炸蒜等，好惹味辣度好夠，差唔多係譚仔嘅5小辣，一邊食一邊舌頭好麻嘅感覺好爽海南雞飯由佢開業至今味道都冇變，雞肉仍然夠滑嫩，配上三色醬汁同酸嘅醃配菜，有新意得嚟又不失傳統午餐呢個價錢，有服務，坐得又舒服，都幾合理