CHickEN Storm (已結業)

買左個團購餐，兩人餐，去到大約五點左右，無乜人，所以任坐，全店人員應該係韓國人，玩足全韓式feel,哈。。。食物方面，有四款雞任選一款食，包左二罐汽水，餐前小食，小食方面，有沙律菜啦，細細碟，但加左醬，幾好味，另外仲有少少花生，羅白，泡菜，幾開胃。。。主菜就要左個香辣炸雞，嘩。。好辣，真係辣，唔簡單，雞件都幾大舊，雞肉又唔會太老，皮脆，但我就覺得味道一般，可能真係太spicy，但太太就話好野味，一路食到流汗，一路都話好味，勁。。反而我幾鍾意d年糕配件，（煙煙un un）,幾好味，但得二，三舊，可惜。。。最後，如果諗住當二人晚餐，就未必夠飽，但當lunch或tea,咁就無問題，應該頂得下，同埋可能即炸雞件，要等一陣，ok!