B-mix 燒肉餐酒館 (已結業)

見好多人都推薦呢間餐廳食燒鰻魚，今次就叫左個活宰白鰻魚set A，有主角白鰻魚外，仲有一碟肉肉拼盤、沙津、蒜蓉牛油野菌、唐生菜、紫菜飯，好抵食呢個套餐！活宰白鰻魚好出色既原條白鰻魚，員工教落先燒魚肉呢面，再燒皮，每邊燒兩分鐘，來回4次，前後總共燒8分鐘，其間再掃一掃醬汁&灑上白胡椒，燒到香噴噴，完全唔需要過多既調味，鰻魚咬落肉質好爽口彈牙，勁滿足～～～厚切牛舌有驚喜既牛舌，牛舌厚度剛好而且好爽口，由於餐廳無前先調味，可以自行選擇加鹽/其他自家製醬料，唔錯～蒜蓉牛油野菌口臭之選，勁大pat蒜蒸，但燒完出嚟又好香，野菌完完全全吸收哂啲蒜茸精華，口臭都抵！！特大新鮮果茶甜度剛剛好，仲好多水果，食燒肉飲一流！