影片
更多
2016-08-30
7230 瀏覽
多年無返澳洲，因為怕個種物是人非既感覺。今晚，香港既朋友帶我嚟到觀塘呢間Bondi,比我回味一下過去。以前住喺Bondi beach附近既我，望住幅畫，真係百般滋味在心頭～呢間餐廳既門口唔起眼，好容易行過左，因為入口喺位於工廈停車場入面，如果望入停車場見到大大隻「Sydney」都可能已經錯過左。閒日7.30pm 入到去已經坐滿半成，而我地就被安排坐喺房入面，其實房內/外都無分別，一樣夠靜可以傾偈。睇左陣Dinner Menu 揀左2個「黑松露野菌湯 $48」- 好香濃，完全每一啖都係蘑菇蓉！仲有麵包條送湯，唔錯！（本人比較喜歡麵包條多過餐包，因為唔會太飽之餘又可以食得斯文d)~「白酒炒硯 $68」- 分量唔多，但每隻都幾肥美，而且湯底嘗到有白酒同一d香草味，每粒硯連湯食味道更佳。「黑松露大蝦意大利飯 $158」-蝦大隻，完全遮蓋晒d意大利飯～蝦表面有海鹽同黑椒作調味，燒完之後更加入味，蝦肉厚且彈牙。意大利飯好濃味，軟硬度剛好有口感，分量少但其實剛好，否則會太膩。「燒焗美國豬鞍架 配 香草汁 $178」- 好大塊！起初有擔心肉質會韌，但切開後又原來內裡呈粉紅唔太韌。肉味唔濃，所以我會點碟
以前住喺Bondi beach附近既我，望住幅畫，真係百般滋味在心頭～
呢間餐廳既門口唔起眼，好容易行過左，因為入口喺位於工廈停車場入面，如果望入停車場見到大大隻「Sydney」都可能已經錯過左。
閒日7.30pm 入到去已經坐滿半成，而我地就被安排坐喺房入面，其實房內/外都無分別，一樣夠靜可以傾偈。
睇左陣Dinner Menu 揀左2個「黑松露野菌湯 $48」- 好香濃，完全每一啖都係蘑菇蓉！仲有麵包條送湯，唔錯！（本人比較喜歡麵包條多過餐包，因為唔會太飽之餘又可以食得斯文d)~
「白酒炒硯 $68」- 分量唔多，但每隻都幾肥美，而且湯底嘗到有白酒同一d香草味，每粒硯連湯食味道更佳。
「黑松露大蝦意大利飯 $158」-蝦大隻，完全遮蓋晒d意大利飯～蝦表面有海鹽同黑椒作調味，燒完之後更加入味，蝦肉厚且彈牙。意大利飯好濃味，軟硬度剛好有口感，分量少但其實剛好，否則會太膩。
「燒焗美國豬鞍架 配 香草汁 $178」- 好大塊！起初有擔心肉質會韌，但切開後又原來內裡呈粉紅唔太韌。肉味唔濃，所以我會點碟上既醬汁食。伴碟既有薯仔同蕃薯粒（不是芒果～～～），份量好飽肚。
雖然每枱都會有一大樽水比客人自己添加 （十分欣賞呢點，唔會迫客人一定要叫飲品～），但我地都係叫左2杯野飲慢慢傾偈～「Mixberry yogurt $42」- 莓既味道，酸酸甜甜，但好creamy比較似奶昔。
「Matcha Latte $38」- 拉花幾靚～口感幾滑，綠茶味夠。**不收加一** very good~
張貼
