Platform (已結業)

一家三口，入座前，侍應已通知我們繁忙時段只可享用一個半小時，這完全明白因小店都要做生意。但當享用途中，侍應已不斷在我們桌子收東西，係黎一次收一次，當收了四次後，到第五次就過黎check 張單我們入座時間，這時還有兩杯飲咗三分之一的coffee在桌上(只過了剛好一小時),究竟係咪咁趕呢？因為已沒有心情，加上好似被人摧趕下就去付款，亦都跟剛才侍應和台藉老闆反映，告訴他們如果想check時間可以睇番落單的電腦，這樣就唔會騷擾到客人。但他們覺得問題不是在他們，而是在我們這邊！所以最後我都費事嘥氣。由開店睇明報周刊介紹幫襯到現在，食物冇乜大改變，味道還可以，但價錢不便宜。最大問題係服務就越嚟越差，真令人卻步！