九重町日本料理 (已結業)

食左個豬肉烏冬定食（午餐），大概六十蚊，烏冬唔係其他留言所講「應該係人手拉，令人讚嘆...」咁，事實只係似凍肉鋪買嘅急凍烏冬。豬肉太肥太多油，朋友食嘅燒雞都ok,不過份量少，都係太多油。個廚房係開放式，冇特別裝修，唔明有咩必要做開放式。啲廚師係度大聲播放MK廣東歌，完全同日本餐廳格格不入。感覺似去左東莞咁。但係如果住附近，唔想出街，對日本菜冇要求，唔介60 -80蚊食個午餐，可以當食下。不過就絕對唔係其他留言所講咩隱世日本餐廳囉。太多打手留言，所以比負評平衡下。