影片
更多
2011-04-04
27 瀏覽
同幾個男生朋友星期日行了兩三個鐘山行到入赤柱準備請其中一個朋友食一餐生日飯，點知食了一肚氣。生日的朋友在海邊幾間食店選擇了呢一間，我們準備入座的時候已經覺得有少少唔妥，點解問都唔問我們幾個食唔食煙呢？結果我們被安排了在戶外吸煙地方的四人枱，但其實我們都是不吸煙的！！還好我們旁邊的幾枱很快就走了，我們還不用吸太多的二手煙。點完餐之後感覺越來越不妥，點的菜差不多每一樣都售罄？（我就當是入貨不足好了）侍應幫我們準備餐具的時候清楚聽到跌了刀落地的聲，我也知道是無心之失，但之後就竟然到我開始食Main Course的時候都冇侍應畀返一把刀我。要我真係出聲問「我把刀無左」佢先答我一句「係咩」。係呀！係你跌左之後從來都冇畀返我呀！因為行完山我們不想吃得太多（是這個原因？）所以只要了一個湯打算試試味（你唔怪得我，因為你Menu上的三個湯都冇晒，得一個Menu上冇得湯，我冇理由仲要一人一個吧！）。結果四個人都只是想試試味（反正又有每個人都飲啤酒）。一個湯，四個人分，點都要多一兩個碗吧，叫侍應畀碗的時候得到一個令我們都呆掉了的答案：「廚房話冇碗喎！」竟然！我也是第一次有餐廳會話冇碗！湯的事也算了，朋友生日
同幾個男生朋友星期日行了兩三個鐘山行到入赤柱準備請其中一個朋友食一餐生日飯，點知食了一肚氣。
生日的朋友在海邊幾間食店選擇了呢一間，我們準備入座的時候已經覺得有少少唔妥，點解問都唔問我們幾個食唔食煙呢？
結果我們被安排了在戶外吸煙地方的四人枱，但其實我們都是不吸煙的！！
還好我們旁邊的幾枱很快就走了，我們還不用吸太多的二手煙。
點完餐之後感覺越來越不妥，點的菜差不多每一樣都售罄？（我就當是入貨不足好了）
侍應幫我們準備餐具的時候清楚聽到跌了刀落地的聲，我也知道是無心之失，但之後就竟然到我開始食Main Course的時候都冇侍應畀返一把刀我。
要我真係出聲問「我把刀無左」佢先答我一句「係咩」。
係呀！係你跌左之後從來都冇畀返我呀！
因為行完山我們不想吃得太多（是這個原因？）所以只要了一個湯打算試試味（你唔怪得我，因為你Menu上的三個湯都冇晒，得一個Menu上冇得湯，我冇理由仲要一人一個吧！）。
結果四個人都只是想試試味（反正又有每個人都飲啤酒）。
一個湯，四個人分，點都要多一兩個碗吧，叫侍應畀碗的時候得到一個令我們都呆掉了的答案：「廚房話冇碗喎！」
竟然！我也是第一次有餐廳會話冇碗！
湯的事也算了，朋友生日心情好，繼續吃下去開始覺得有一點水滴跌下來，我們也在想會不會是落雨呢？
有似是老闆的大聲跟我們說「冇事既！樓上滴水啫！」
哦，原來滴水係冇人理既。
但滴水越來越多，都真係落雨喎，似係老闆的人走去一邊慢慢拉起戶外的擋雨布幕，我們幾個好自然的向上看看會不會遮蓋得了我們的枱。
又得到老闆令我們呆掉的答案：「唔駛望啦，遮唔到你地呢枱喎，幫唔到你地啦！」
好答案！
我係你間戶外地方餐廳食飯，落雨你幫我唔到？！
真係越來越大雨，我們自己一人一碟攞起再搵位，因為冇一個侍應幫我們搵位，所以我們要自己走返入室內一人一碟攞係手搵位！
這樣的服務，一絕。
到我今日再看其他朋友的食評我就明白了，我們犯了甚麼的錯，因為我見侍應對待餐廳內的其他國籍客人都不是這樣的態度。（有講有笑，坐埋枱傾計）
１。我們不是外國人。
２。我們四個人只叫了3個Main。
３。我們個樣唔似有錢人。
如果你有以上3個條件，我諗你可以試一試呢一間餐廳，不過食物方面，講真，麻麻。
寫咁多都唔係幻想有餐廳職員睇完之後會有改善，只係提醒各位食友要小心。
如果你試過呢間餐廳真心服務好的話，我只有講你可能真係似有錢人。
張貼