凡高廚房

營業中

休息中

同朋友好鍾意黎呢度食lunch，因為坐得舒服，冇時間壓力，氣氛輕鬆寫意，所以我哋成日黎同儲咗d vouchers。就算冇voucher，lunch set已送上餐包 再+$10都已經可以有沙律前菜同湯，所以好抵食。坐底見到我前面嘅枱塵係STARRY NIGHT OVER THE RHONE，好開心，因為凡高d畫，我最鍾意STARRY NIGHT系列。兩個人叫咗兩個set，一個美國安格斯牛肉漢堡，肉質柔軟，好厚身，好juicy；另一個頂級西冷加沙律配柚子汁，因我唔食洋蔥，職員好好，沙律幫我走洋蔥，d沙律份量好多，有益健康；塊西冷煮得啱啱好，肉味濃，油脂分佈平均，又不失咬口， 唔洗蘸任何醬汁都好好食。之後仲有甜品同餐茶，所以真係抵食，又有質素；如果你同我一樣鍾意睇畫，你都會鍾意呢度嘅浪漫藝術氣氛。