百份百餐廳 (啟朗苑)

營業中

休息中

第二次係呢間店買外賣,上一次我叫晚巿外賣自取即場落單用左25分鐘, 疫情嚴峻時段叫外賣多訂單理解, 今日星期日早上10時左右去買1個早餐外賣, 我係門外等外賣嗌號碼, 今次全場座位只係坐左一半多D, 樓面人手都走黎走去係理解有幾忙, 門口個安心出行手機成日掃唔到個code, 塞實個門口, 攪到個收銀同落單職員成日走出黎招呼掃code, 仲見到D樓面推車仔送餐邊叫睇住小心照撞落個客度, 個客都體諒無投訴, 碗湯面無3分1湯水都照送餐, 睇完D小插曲, 望望外面4至5位外賣等囉朋友, 感覺應該好快到, 最後我足足等了20分鐘先到我拎外賣, 前我2個籌既等外賣朋友屋企人都打俾佢做乜咁耐, 2次既外賣體驗非常差, 我唔知係咩原因可以咁慢, 但係如果你真係肚餓或者趕時間, 我強烈不建議, 我唔覺得樓面職員唔勤力, 我只係覺得D管理層做得好差, 睇到無了解真正貼地營運流程, 只係著重環境同食物。