一盅點心

營業中

休息中

見佢下午茶時間有六八折，梗係入去試吓佢啲點心，叫咗佢一個粥嘅套餐，同埋一個腸粉嘅套餐，再加多個蛋散！跟住餐牌上邊寫住1430-1730可以有六八折，當時個鐘只係17:11，已經滿心歡喜諗住可以有折勁抵食，點知店員話原來五點就截單六八折，咁點解個餐牌唔改五點呀早知行快兩步入嚟啦，雖然帶着失望咁食，但係都冇辦法啦其實個套餐都幾好食嘅，個粥啲料都多，不過有啲鞋口，但係咁嘅價錢唔要求太多啦。另外啲點心其實都OK，不過啲餃皮蒸到爛咗，夾起身就散晒，不過味道都不失禮。腸粉值得一讚，皮薄，應該係即拉另外蛋散都好食，新鮮炸起，咬第一啖仲滴緊油🤣不過講真呢個價錢其實都幾抵食，希望下次行快兩步可以有佢個六八折