老三火鍋 (已結業)

一間位於深水埗順寧道的火鍋店, 雖然較偏僻, 但內裡環境不錯, 不會出現櫈撞櫈的情況. 初初由1間食到現在開分店, 可想而知一定有佢個人之處.他們會對點料及食用給一點不同意見! 黎老三點都要會一會個鴨湯. 一行四人, 靚姐建議鴨湯底要半隻鴨份量ok夠食, 咁就聽你話la. 個湯一黎, 香味非常, 可見入面d料幾堅, 入面除左鴨外, 仲有酸蘿蔔, 杞子同一些藥材.....(呢度會建議客人係落料前先黎2碗湯先, 不過淡湯真係無得頂!)  牛係邊爐必然之選, 但呢度牛都有好幾款, 而我地就今晚決定要"安格斯牛肉"同"本地手切"前者牛味較少, 但肉就真係入口就溶. 而後者就有得咬下, 而且極有牛味.我個人就對本地手切愛不釋手!而最估唔到呢度ge羊肉都同樣出色, 好有羊味 (即係一些不好羊的人所指的羶味) 到此店另一極力推介: 酒釀雞丸手打雞肉包著花鵰酒, 好香酒味. 但係此食品乃危險物, 如果一不留神你會被內面的熱汁灼傷, 可先用筷子開個洞, 將汁倒出, 再吃!桶蠔 & 鱔片多汁, 大隻, 鮮甜, 好食!  鱔片, 本身唔食魚, 但一次同一位好兄弟打邊爐, 比佢影響下, 試左一塊就係咁就愛上了