影片
更多
2011-04-24
30 瀏覽
響九龍城食飽飯, 通想都離不開食埋糖水。本來想去對行金ｘ堂，亦預左要等，不過有野做等唔得咁耐，就決定過黎皇室睇下有冇位 -門口位姐姐一見我地埋黎話 5 個就「有位，入去啦」，點知朋友入左去就棟晒響門口，因為都唔知個位響邊...姐姐再嗌入去先有另一位姐姐話「未走，走緊」！咁就唔好叫我地入去啦 於是又要走番晒出黎。入到去，講真，環境佢真係唔夠人地好，大家都係咁逼，但一入去見到 D 燈白雪雪唔好睇，個環境好 Cool。講到重點 - 食物。我地嗌左:1. 紅豆沙 (凍)2. 芒果奶凍3. 芝蔴糊燉蛋白 (熱) - 唔知正確名稱係咩，總之係燉蛋白既外層，芝蔴糊既心!4. 芝蔴湯圓5. 心太軟1. 紅豆沙 (凍): - 紅豆都有少少味既，但感覺有 D 似煲過再翻煲既紅豆咁 一-一"- 個糖水底係冇咩味既，加埋 D 紅豆就真係好似翻渣湯勒!2. 芒果奶凍 - 最好食係咩呢? 面頭舊芒果雪糕。- 底下件奶凍係有 D 奶味，但都係好淡... 好淡... 好淡...3. 芝蔴糊燉蛋白 (熱) - 之前響紅磡芝ｘ綠豆食過，感覺好好，諗住黎試下，點知出事。- 個蛋白既味道都算，但芝蔴糊竟然唔香唔滑仲要唔
響九龍城食飽飯, 通想都離不開食埋糖水。本來想去對行金ｘ堂，亦預左要等，不過有野做等唔得咁耐，就決定過黎皇室睇下有冇位 -
門口位姐姐一見我地埋黎話 5 個就「有位，入去啦」，點知朋友入左去就棟晒響門口，因為都唔知個位響邊...
姐姐再嗌入去先有另一位姐姐話「未走，走緊」！咁就唔好叫我地入去啦 於是又要走番晒出黎。
入到去，講真，環境佢真係唔夠人地好，大家都係咁逼，但一入去見到 D 燈白雪雪唔好睇，個環境好 Cool。
講到重點 - 食物。我地嗌左:
1. 紅豆沙 (凍)
2. 芒果奶凍
3. 芝蔴糊燉蛋白 (熱) - 唔知正確名稱係咩，總之係燉蛋白既外層，芝蔴糊既心!
4. 芝蔴湯圓
5. 心太軟
1. 紅豆沙 (凍):
- 紅豆都有少少味既，但感覺有 D 似煲過再翻煲既紅豆咁 一-一"
- 個糖水底係冇咩味既，加埋 D 紅豆就真係好似翻渣湯勒!
2. 芒果奶凍
- 最好食係咩呢? 面頭舊芒果雪糕。
- 底下件奶凍係有 D 奶味，但都係好淡... 好淡... 好淡...
3. 芝蔴糊燉蛋白 (熱)
- 之前響紅磡芝ｘ綠豆食過，感覺好好，諗住黎試下，點知出事。
- 個蛋白既味道都算，但芝蔴糊竟然唔香唔滑仲要唔甜！敗筆。
4. 芝蔴湯圓
- 全晚最好食就係呢幾粒野喇！如果舖頭話我知係佢地自製既，加分。
如果係外買返黎，當我冇講野。
- 薑糖水就一定要自製喇掛? 結果亦繼續秉承樓上既一貫作風 - 唔甜。
不過薑味 OK，加上湯圓係甜既，所以本人 OK。
5. 心太軟 有圖。
- 呢個最遲上檯，大家見到都有 D 期望，覺得個外層做得唔錯。叉開佢，古古力漿慢慢流出...
賣相就真係好出色勒！味道又如何呢？
- 不論係外層定流心既味道都唔夠，古古力味唔夠，甜味唔夠，外層唔夠香，流心唔夠滑。
- 睇番個外層同古古力漿之間既「關係」同兩者既味道，真係不禁令人懷疑 D 古古力漿係注入去既......
感覺啦~ *只係本人同友人既感覺嘖* 當然我地都唔希望係咁。
總括而言，所有野都唔夠甜。我明白而家講健康，少糖，連鄰家舖都標榜「低糖少甜」，
但糖水要有基本既甜味，至於有幾甜就睇個廚既技術，少糖都可以好美味！
可惜皇室好明顯係做唔到。而且，坐響「出菜位」側邊，我地見到各式各樣既甜品上場，
個別既賣相真係教人不敢恭維 店方真係要好好檢討下。
你問我，唔駛排隊我都唔會再去喇，我不如食地茂。
張貼
