名人館

營業中

休息中

呢間潮州菜館就喺觀塘帝盛酒店一樓，裝修環境好開陽，好適合一家人或者公司聚餐！而最令我難忘嘅係佢哋嘅食物質素真係一絕！現場見到就算平日夜晚都好多人，而且好多都係回頭客，就可見佢哋係真材實料！香蒜竹炭豆腐店員推介呢一個竹炭豆腐，話係佢哋嘅招牌菜！今日一試果然名不虛傳！一啖咬落去第一個感覺就係外脆外軟！而且豆腐本身好軟綿綿滑捋捋！超好味呀！陳醋豬手除咗上面嘅竹炭豆腐之外，陳醋豬手都係佢哋嘅必點菜之一！呢個陳醋豬手不得了！佢陳醋汁唔會太酸，反而係比較清香嘅，而且豬手係老得好入味，咬落好彈牙，滿滿骨膠原！真係不得不讚吓呢個汁，就算食晒啲豬手都唔捨得拎走個汁，因為個汁用嚟拌飯都好好味！滷水鵝片&五香牛𦟌潮州菜梗係唔少得滷水拼盤啦！我哋揀咗滷水鵝片同埋牛𦟌！兩者都好入味，就連附贈嘅豆腐都超入味！可見佢地係用足心機同時間去製作呢一份食物，誠意滿滿！大澳蝦干芥蘭煲本身好怕食芥蘭，因為好諧霎霎同埋怕會苦！但係呢一個芥蘭煲就打破咗我對芥蘭嘅固有印象！芥蘭好嫩！應該係特登揀最有嫩嘅部位，所以識落唔會有任何菜渣！另外佢嘅蝦乾都好大條，真係第一次見咁大條嘅大澳蝦乾，落重本用足料果然唔同！鮮爆檸汁我哋仲嗌咗呢個特飲