Burgerman (欽州街) (已結業)

深水埗茶餐廳就多啦，但如果唔介意企喺度食，burgerman都係唔錯既選擇。雖然佢既burger唔係平民價錢，但食物真係幾高質，而且仲係即叫即製，burger亦相當足料，非常值得推介。鵝肝安格斯漢堡🍔牛肉厚身又juicy，個鵝肝都好大塊，外脆內軟，入口即溶，配合埋車打芝士、無花果黑醋汁同蕃茄，食落唔會好濟，口感豐富好味，不愧係皇者之選。黑松露和牛漢堡🍔和牛選用澳洲和牛，中間夾有半溶芝士、日式芝麻沙律、黑松露醬、磨菇等配料。和牛肉質鬆軟，夾埋黑松露醬，簡直係味感既享受，每咬一啖，肉汁立即溢出。