影片
更多
2021-09-12
282 瀏覽
伏，簡直係中晒伏！店鋪外大大隻字，圖文並茂推介嘅 “藥膳豬潤麵”，望圖睇落幾吸引，又係招牌菜之一，我就不虞有詐入去堂食。等咗一陣，麵嚟到，我望一望碗入面，哇，你地班捧餐嘅係盲嘅？入面啲豬潤仲流緊血架喎！咁都捧嚟俾我食？我食慣越南嘢，以為好似越南生牛肉河咁，要用湯浸熟啲肉，於是，我嘗試篤啲豬潤入湯中浸熟，兼切開啲豬潤做細粒啲，希望浸得熟。十分鐘後，我放棄我呢個諗法了，因為啲豬潤一直流緊血，幾乎舊舊都浸緊血水同我碗出前一丁撈埋一齊（噁心）。我叫侍應過嚟，「幫手加一加熱碗麵吖，我啲豬潤仲流緊血！」個侍應拎返入廚房，居然係用微波爐叮我碗麵。3分鐘後，我檢查吓啲豬潤，啲顏色變灰咗，不過有一兩舊，仲流緊血.....最後，成碗藥膳豬潤麵，我只係食咗一舊冇流血嘅豬潤。其他豬潤我係夾晒出嚟碗外，放棄了。到有個戴眼鏡嘅中年女侍應收碗，我同佢講，「你地啲豬潤，叮完都仲流緊血！我冇辦法食！我夾晒出嚟冇食！！」佢聞言後，只係答我：「哦」亦係呢個原因，嬲到我要寫今次差評！一句道歉都冇。餐廳負責人，你知唔知，進食未熟嘅豬肝會得戊型肝炎？點解你餐廳食物水準咁低？客戶服務水準亦咁離譜？For 大家 informatio
店鋪外大大隻字，圖文並茂推介嘅 “藥膳豬潤麵”，望圖睇落幾吸引，又係招牌菜之一，我就不虞有詐入去堂食。
等咗一陣，麵嚟到，我望一望碗入面，哇，你地班捧餐嘅係盲嘅？入面啲豬潤仲流緊血架喎！咁都捧嚟俾我食？
我食慣越南嘢，以為好似越南生牛肉河咁，要用湯浸熟啲肉，於是，我嘗試篤啲豬潤入湯中浸熟，兼切開啲豬潤做細粒啲，希望浸得熟。
十分鐘後，我放棄我呢個諗法了，因為啲豬潤一直流緊血，幾乎舊舊都浸緊血水同我碗出前一丁撈埋一齊（噁心）。
我叫侍應過嚟，「幫手加一加熱碗麵吖，我啲豬潤仲流緊血！」
個侍應拎返入廚房，居然係用微波爐叮我碗麵。
3分鐘後，我檢查吓啲豬潤，啲顏色變灰咗，不過有一兩舊，仲流緊血.....
最後，成碗藥膳豬潤麵，我只係食咗一舊冇流血嘅豬潤。其他豬潤我係夾晒出嚟碗外，放棄了。
到有個戴眼鏡嘅中年女侍應收碗，我同佢講，「你地啲豬潤，叮完都仲流緊血！我冇辦法食！我夾晒出嚟冇食！！」
佢聞言後，只係答我：「哦」
亦係呢個原因，嬲到我要寫今次差評！一句道歉都冇。
餐廳負責人，你知唔知，進食未熟嘅豬肝會得戊型肝炎？點解你餐廳食物水準咁低？客戶服務水準亦咁離譜？
For 大家 information，呢碗藥膳流血豬潤麵價錢係$50。
你以為湯底係藥膳？好似酒樓藥膳鳳爪嗰種？或者肉骨茶嗰種？咁你可以唔使入嚟幫趁喇。因為佢只係普通雞湯底中加入薑絲、杞子，撈出前一丁。真係簡單到我屋企都煮到。
伏，想中戊肝就入嚟試吓流血豬潤麵啦。血淋淋上枱，問你 “伏” 未？
張貼