影片
更多
2018-11-14
77 瀏覽
呢間嘢行過門口好幾次，但次次都比較夜所以都食唔到。今次早咗啲過去試下，本身諗住個名叫做"九份‧十分"都應該有少少台灣食品的風味。但點知係中伏的開始...入去時間約九點幾差不多到十點，問服務員今晚幾點閂門，佢語帶死死氣咁講：未就好似平日咁囉！十一點呀！..嗰下打咗個突，做乜嘢呀? 門口無寫服務時間，我又過晒正餐時間，問問都好正常姐，我都唔想太晏阻大家收工。好！算數，因為場內約有9 成滿座，都覺得呢間嘢有返咁上下水準。坐低後係餐牌搵咗好耐有無Set Dinner，又或者咁上下的套餐組合，搵晒成本餐牌同問埋服務員都話無Set 。呢下又再一次感覺好怪！因為好少會無套餐組合，而且啲嘢都算貴，按返地區和食品的檔次去計算。咁無套餐都要食架，但睇晒啲價位心中有啲覺得唔價咁貴的價錢，所以叫咗個無死錯人的飯(鹵水雞翼肉燥飯) 嚟食，再加多杯胚芽珍珠奶茶嚟飲，因為唔係好多地方仲有胚芽呢樣嘢...但點知到咗伏位....見到張order紙係落咗杯香芋珍珠，同返同一個服務員講返話落錯咗，但佢就一口回返嚟話: 無落錯！你係叫呢杯喎！跟住就走咗去。真係，呢啲人邊度搵！幾有性格！唔緊要我晒飲，但杯嘢只有啲啲香芋香氣，而
入去時間約九點幾差不多到十點，問服務員今晚幾點閂門，佢語帶死死氣咁講：未就好似平日咁囉！十一點呀！..嗰下打咗個突，做乜嘢呀? 門口無寫服務時間，我又過晒正餐時間，問問都好正常姐，我都唔想太晏阻大家收工。
好！算數，因為場內約有9 成滿座，都覺得呢間嘢有返咁上下水準。坐低後係餐牌搵咗好耐有無Set Dinner，又或者咁上下的套餐組合，搵晒成本餐牌同問埋服務員都話無Set 。呢下又再一次感覺好怪！因為好少會無套餐組合，而且啲嘢都算貴，按返地區和食品的檔次去計算。
咁無套餐都要食架，但睇晒啲價位心中有啲覺得唔價咁貴的價錢，所以叫咗個無死錯人的飯(鹵水雞翼肉燥飯) 嚟食，再加多杯胚芽珍珠奶茶嚟飲，因為唔係好多地方仲有胚芽呢樣嘢...但點知到咗伏位....見到張order紙係落咗杯香芋珍珠，同返同一個服務員講返話落錯咗，但佢就一口回返嚟話: 無落錯！你係叫呢杯喎！跟住就走咗去。真係，呢啲人邊度搵！幾有性格！唔緊要我晒飲，但杯嘢只有啲啲香芋香氣，而飲落就一陣好淡好淡的香芋味，直頭似係份量唔分一杯搵水去充夠一杯。到咗個飯嚟度，見到有啲蒸氣升上嚟都覺得都係熱的，但點知食落似係個肉操係熱的，但個飯係暖的，而中間的伴菜有勁多沙，食咗兩口都係有沙的。而雞翼下的鹵水豆腐就最離譜，直頭係用水去整熱佢再浸返啲鹵水汁就算，入口又係淡過乜咁。
到埋單時我都知道呢餐唔值呢個價，但當我睇同仲要有加一時，當刻我深深感到中晒伏，食啲咁樣質素都要成99蚊，有無嘢呀！一句話：又貴又唔好食的餐廳。真心介紹畀大家知！呢間嘢可以唔使浪費時間和金錢入去！
鹵水雞翼肉燥飯 + 香芋珍珠奶茶
$99
3 瀏覽
0 讚好
0 留言
題外話/補充資料：
呢餐飯可算係掉盡開台式食鋪的面子，台式食品我都識整，只要跟足的步驟好少會整得難食，但我今次真係預到難食的台式食問。
提外補充！我入去時問幾點閂門，佢地話11點，但我開始食飯時太約係剛10點左右，但就見啲服務員係度掃場地！大佬呀！個場仲有15、6人係度，要唔要咁早就掃地，啲嘢飛晒出嚟，啲客點食呀！
真心介紹畀大家知！呢間嘢可以唔使浪費時間和金錢入去！
(以上食評乃用戶個人意見 , 並不代表OpenRice之觀點。)
張貼
