影片
更多
2017-01-08
4463 瀏覽
甘岩2個同事差唔多日子生日，新一年第一日就去食好d，隨手係同事檯面見到有張discount card，於是就去呢間餐廳食啦！之前有同事食過，話食到好眼訓⋯⋯今次就唔係坐最埋又黑既眼訓位，反而係坐正餐廳中間近水吧既位置，好光猛，如果我lunch hour有2粒鐘，我一定慢慢享受～Set lunch有4款揀，既然打正旗號係pizzeria，就試下佢個pizza，每個set都包沙律/湯、main、甜品同餐茶，是日餐湯係磨菇湯，個個聽到都叫湯，無人叫沙律。湯上檯時唔係好夠熱，佢加左d香草同橄欖油，我接受到既，不過怕香草/橄欖味，可能會接受唔到，至於磨菇味就唔算好濃，還可以。至於主菜pizza，其實唔算好大個，一個人食一定夠，火腿、墊底茄汁亦唔多，但勝在個pizza搓得厚薄適中，介乎pizza hut既厚同薄批既中間，唔會太厚似食麵包，或者太薄似食餅乾既感覺，不過唔係好夠茄汁，pizza好似有d乾。之後都偷食左一啖同事既意粉，我反而鍾意食個意粉，個意粉煙煙靭靭，不過個sauce就咸左少少。可能真係適合慢慢嘆既人食，如果唔係，等佢上晒4道菜，應該可以食到3點⋯⋯隊長趕住返公司開會，都真係唔係幾好意
之前有同事食過，話食到好眼訓⋯⋯今次就唔係坐最埋又黑既眼訓位，反而係坐正餐廳中間近水吧既位置，好光猛，如果我lunch hour有2粒鐘，我一定慢慢享受～
Set lunch有4款揀，既然打正旗號係pizzeria，就試下佢個pizza，每個set都包沙律/湯、main、甜品同餐茶，是日餐湯係磨菇湯，個個聽到都叫湯，無人叫沙律。湯上檯時唔係好夠熱，佢加左d香草同橄欖油，我接受到既，不過怕香草/橄欖味，可能會接受唔到，至於磨菇味就唔算好濃，還可以。至於主菜pizza，其實唔算好大個，一個人食一定夠，火腿、墊底茄汁亦唔多，但勝在個pizza搓得厚薄適中，介乎pizza hut既厚同薄批既中間，唔會太厚似食麵包，或者太薄似食餅乾既感覺，不過唔係好夠茄汁，pizza好似有d乾。之後都偷食左一啖同事既意粉，我反而鍾意食個意粉，個意粉煙煙靭靭，不過個sauce就咸左少少。
可能真係適合慢慢嘆既人食，如果唔係，等佢上晒4道菜，應該可以食到3點⋯⋯隊長趕住返公司開會，都真係唔係幾好意思三催四請叫侍應上埋個咖啡同甜品，杯咖啡好失望，咖啡豆唔係差，但點解會沖到好似水甘稀既！？至於甜品，普通cheese cake一舊⋯⋯飲恨地早走左，遲左走既同事因爲派晒cheese cake，反而食到cannoli😭
張貼
