自助山

營業中

休息中

早幾日和朋友到灣仔自助山食buffet，一開始先食海鮮，麪包蟹D膏好少，好冰凍，龍蝦咬落去好鞋好難吞，我好想吐番出嚟！元貝有雪味，蟹腳冇鮮味，食咗大半個鐘，經過海鮮區見到一個人都冇，大家明白乜事啦，去到食魚生刺身，有部份解凍時間唔夠，就比人食，有冬䕃公湯味道一般，有蒸點心蝦餃、燒賣、小籠飽係公仔點心果D嚟，熱葷唔多選擇，燒味有四款叫做全晚最正常甜品都係D普通料，最攪笑就係D雪糕，攞啲雜物牌子雪糕出嚟，標明話係自家製，真係當人哋傻！收八佰幾元一位，H同D字頭雪糕都冇，離譜！本應諗住有個靚夜景睇吓，竟然佢哋開冷氣太大，出邊啲玻璃全部有水氣，完全睇唔到個景，我勸大家唔好嚟食，景觀和食物會令你非常失望😞