影片
更多
2017-09-30
865 瀏覽
我本身唔係話特別鐘意食甜品，但係因為身邊嘅朋友太多都鐘意啦，所以好多時候我都會陪佢地去食。而就係因為呢一次，我愛上咗甜品，尤其係千層蛋糕。朋友話我知呢一間千層蛋糕好多人幫襯，話買都買唔到，3個字就賣哂。我當時心諗唔係掛，會唔會咁浮誇。咁算啦，佢地咁有心，咁咪大家dayoff嘅時候一齊早d去排隊啦，一去到已經見到勁多人排。好啦到開門，店主就話一日有4,5隻味，咁我又冇所謂，就比我d friend揀。佢地揀咗4隻味，有香芋，抹茶，朱古力同cappuccino。第一隻食嘅係香芋，不得了，入面真係有芋頭，對我呢個冇澱粉質落肚唔舒服嘅人真係冇得輸，芋頭味好香，但係個蛋糕又唔會話好硬切唔落。第二隻係抹茶，我自己就好鐘意嘅，如果有埋紅豆就最好，食落真係好似食抹茶粉咁有回甘，又唔會好甜，食到抹茶自身應有嘅味道，甜味著重喺流心嗰到令個蛋糕都balance得好好。而朱古力方面，朱古力cream好香好正，好似食緊朱古力醬咁。個蛋糕silky smooth😍.最後cappuccino又係好正，自己平時都有飲開咖啡，直頭係齋啡，所以呢個蛋糕對我嚟講係4個入面最正嗰個。中間有d手指餅令到成個cake嘅textur
朋友話我知呢一間千層蛋糕好多人幫襯，話買都買唔到，3個字就賣哂。我當時心諗唔係掛，會唔會咁浮誇。咁算啦，佢地咁有心，咁咪大家dayoff嘅時候一齊早d去排隊啦，一去到已經見到勁多人排。好啦到開門，店主就話一日有4,5隻味，咁我又冇所謂，就比我d friend揀。
佢地揀咗4隻味，有香芋，抹茶，朱古力同cappuccino。
第一隻食嘅係香芋，不得了，入面真係有芋頭，對我呢個冇澱粉質落肚唔舒服嘅人真係冇得輸，芋頭味好香，但係個蛋糕又唔會話好硬切唔落。
第二隻係抹茶，我自己就好鐘意嘅，如果有埋紅豆就最好，食落真係好似食抹茶粉咁有回甘，又唔會好甜，食到抹茶自身應有嘅味道，甜味著重喺流心嗰到令個蛋糕都balance得好好。
而朱古力方面，朱古力cream好香好正，好似食緊朱古力醬咁。個蛋糕silky smooth😍.
最後cappuccino又係好正，自己平時都有飲開咖啡，直頭係齋啡，所以呢個蛋糕對我嚟講係4個入面最正嗰個。中間有d手指餅令到成個cake嘅texture好特別。
總結嚟講，呢間bakery嘅蛋糕以店長一個女仔嚟講，真係冇得輸。味又rich，texture又好。聽fd講直頭同lady m嗰d有得比，計埋價錢直頭贏埋lady m，利申未食過lady m😂
千層蛋糕
$32
65 瀏覽
0 讚好
0 留言
張貼
