影片
更多
2023-02-28
1994 瀏覽
早前睇啲雜誌已見介紹過呢一間有誠意嘅麵包蛋糕小店，強調食得健康，用上靚料，無添加任何化學嘢、防腐劑之類。今晚收工後就趁過到嚟鴨寮街買電話卡，就順道一訪，睇睇有無咩心水選擇。小店賣嘅就喺真材實料嘅蛋糕，所以，睇落裝修方面比較簡約，成間鋪嘅空間好大，唔會搞到逼逼狹狹。對住櫥窗喺擺放蛋糕嘅凍櫃，蛋糕款式非常多，而且，又頗為別出心裁；裡面角落位就喺一組L形麵包櫃，個個都獨立包裝，夠晒衛生；另外就有小小區域擺吓其他烘焙產品，以及凍飲。近收銀側旁，原來仲有啲掛耳咖啡包賣，啱啲人買個包之餘，再買個掛耳咖啡包返公司，嘆杯靚咖啡。其實，樣樣嘢都好吸引，最後揀咗啲甜品作為飯後甜點，而另外選多一份牛奶方包，作為聽朝早餐。椰汁荷包蛋 $20除咗蛋糕，店家都做咗啲布甸，是晚就見到有兩款味道：呂宋芒布甸、椰汁荷包蛋。咁咩叫荷包蛋呢？其實喺椰汁布甸，裡面再加粒呂宋芒嘅果肉，布甸入口質感比較似意式奶凍，超滑身，如果喺布甸口感會較為挺身啲，嗰份椰汁味非常突出，雖然只得一粒芒果肉，但甜度十分高，芒果味清甜。小籠包 $38呢一款法式蛋糕喺店家招牌，之前睇雜誌都喺重點介紹佢，當晚晌櫥窗所見，除咗個「小籠包」，仲有一款「小壽桃
小店賣嘅就喺真材實料嘅蛋糕，所以，睇落裝修方面比較簡約，成間鋪嘅空間好大，唔會搞到逼逼狹狹。
對住櫥窗喺擺放蛋糕嘅凍櫃，蛋糕款式非常多，而且，又頗為別出心裁；裡面角落位就喺一組L形麵包櫃，個個都獨立包裝，夠晒衛生；另外就有小小區域擺吓其他烘焙產品，以及凍飲。
近收銀側旁，原來仲有啲掛耳咖啡包賣，啱啲人買個包之餘，再買個掛耳咖啡包返公司，嘆杯靚咖啡。
其實，樣樣嘢都好吸引，最後揀咗啲甜品作為飯後甜點，而另外選多一份牛奶方包，作為聽朝早餐。
椰汁荷包蛋 $20除咗蛋糕，店家都做咗啲布甸，是晚就見到有兩款味道：呂宋芒布甸、椰汁荷包蛋。咁咩叫荷包蛋呢？其實喺椰汁布甸，裡面再加粒呂宋芒嘅果肉，布甸入口質感比較似意式奶凍，超滑身，如果喺布甸口感會較為挺身啲，嗰份椰汁味非常突出，雖然只得一粒芒果肉，但甜度十分高，芒果味清甜。
小籠包 $38呢一款法式蛋糕喺店家招牌，之前睇雜誌都喺重點介紹佢，當晚晌櫥窗所見，除咗個「小籠包」，仲有一款「小壽桃」添，非常別緻。講番個「小籠包」，粉色嘅外觀加上紐紋狀，感覺很少女風，加上一片雪花形白朱古力片，賣相漂亮。名牌就寫住喺黑加侖子芝士，食落芝士味就唔喺好覺，但黑加侖子味就好突出，酸香細緻，慕絲嘅質感好綿滑；中間就喺檸檬吉士及朱古力海綿蛋糕，底下仲墊咗片脆餅，令到整體味道更豐富、更具層次，真喺內外兼備。
法式果撻 $35法式果撻一向甚有市場，亦喺經典嘅法式甜點，加上呢一款放滿士多啤梨，自然更加吸引。打橫切開一睇，唧有滿滿嘅黑朱古力慕絲，不單只口感柔滑，朱古力好濃郁，估計可可濃度超碼都有70%以上啦，而底下嘅撻殼亦烘得好脆口；唔喺店長講都唔知，士多啤梨喺日本貨，所以，味道好清甜，甜度頗高，絕對喺物有所值。
牛奶方包 $10本身近乎每朝都喺以方包做早餐，有時就夾吓吞拿魚沙律、蛋沙律之類，有時就會整喺餐蛋治，趕時間啲就塗吓果醬，搽吓牛油就算。今早就試吓店家嘅牛奶方包，包裝紙袋好精美，先淨食片方包，食落確喺有一陣陣牛奶香，質感鬆軟，而塗上牛油加藍莓醬，自然喺另一種風味。
前前後後試過店家嘅布甸、蛋糕同方包，食得出用料不頗，做得具質素，難得定價唔高。就好似以上述兩款蛋糕為例，出面好多有品牌嘅店子，同一質素而言，已賣到$45-$50一件啦！
張貼
